Pero-06

Uorka mare, nisan pisa tote ma napro uzdavni. Vaje od Vazma, a sad nan je već lito. Niman ni ništo gran materijala za hiti gori, ali eko, u zadnje vrime smo bili na sportskim susretima gradova prijatelja u Crikvenici. Bilo je super, zabavili smo se lipo i nazugali smo se svačega..

da hitimo i slike kakove:

14.3.2008. smo proslavili ništo ča je bilo u planu učiniti jenu šetimanu prije, ali nu.. Već četrto lito za redon skuplja se ista ekipa u mojemu stanu da ča pojide i popije, poćakula, zabriškula, uglavnom da se druži. Za zalogajne aranžmane su prvenstveno zaslužne Ivana i Milana ki su nan prontale "canapeje", paštete od tune, francuske salate, mozzarele i pomiduoore i naravno kolače. Anke moja mati nan je činila par delikatesa i uz kvalitetno vino, biru, razne sokove i kakove monade za pogrickati nismo morali pensati na glad i žeđ. Muzika je svirila, mi smo se smijali i samo se šperan da nismo susedima maša zadivali.

23. 2. 2008. lita pole partide kupa i pole folklora lovrečka se banda pridružila drugin bandama u boćarskemu domu u Pazinu kadi je bija Stavros Jasmin zvani Jazz. Svima nan je poznat njigov repertoar pak neću pisati ča je kanta i predika
Izvor beside u naslovu bi tribali znati svi članovi folklorne sekcije našega kud-a..

slike:

Vesela družina Kulturnog Umjetničkog Društva Matka Laginje iz Presvetega Lovreča uputila se u petak dvajsetišestega desetega z kurijeron za niko misto zvano Topusko di su nas tribale čekati nike terme.
Inače, za une ki ne znaju, naše K.U.D. se sastoji od limene glazbe i folklorne skupine.

Eko i par slik:


Vožnja autobusom dočekana je sa izrazima najveće radosti..





neki su se zajno prontivali za dolazak (u toplice) i odlazak (vanka):





...čim smo rivali smo se poštrkali po kamarah i smistili se...




...a onda je uslijedila i prva večerica:













..a pole večere, dok su se neki prontali i neki poli prontivati za vani, manjina je iskusila prvi užitak kojeg pružaju TOP-TERME TOPUSKO:

prvo smo poli viti ča nas čeka dan pole...












...a onda smo se hitili jedan bot...






















...pole smo se i mi prontali pak smo zavrnuli do uštarije "Scotch" kadi je već bilo prisutno 84% članova KUD-a:










































smo znali da nas drugi dan čeka dosta fizičkih napora, pak smo malo poli poćinuti.

Drugo jutro je bila marendica, a pole nje je bija organiziran put u Veliku Kladušu (Bosna) na neki šoping, a i usput pozdraviti neke ljude:





... a dok su jeni dilili limozinu po Bosni, drugi su to vrijeme iskoristili na neki drugi način.

Smo se poli naručiti za masažu, pa malo u saunu, i lagano kupanje...





..pole kupanja je niki poša đir z bičikleton...




..niki je malo prošeta...




...a niki se jednostavno opušta




bilo je i zanimljivih arheoloških otkrića




i prije nastavka rekreacija, smo morali malo energije povratit (nemojte pensati da smo zrigali energiju), a fala bogu nami je krulilu u štumigu kako da smo uno pleme ki teče za jenin blagon po deset dan. Mali predah i demo dalje..
Uvi iz Bosne su nan se tornali živi i zdravi a nije ni puno vrimena pasalo, a nas je čekala malonogometna utakmica u mjesnoj dvorani. Suprostavile su se momčad folklora protiv momčadi limene glazbe. Atmosfera za vrijeme susreta sadržavala je puno naboja, također zahvaljujući arbitraži koja je dodijeljena Žarku .


























Na toj zadnjoj sliki morete viti našega suca (drugi ud livo na dijesno) kako je lipo ubučen. Ima je full opremu (roba sa logom HNS-a, švikalot, škveru za miriti vrime, žuti i crveni karton i teku za pisati sporne događaje na utakmici (ki je kad kihnuja i prdnuja, te u kojoj su minuti zabilježene slike dok su aparati bili upućeni prema "dijelitelju pravde")).
A da, deboto san zabija, rezultat je nakon poslijednjeg sučevog zvižduka glasija ovako:
6:4 za momčad FOLKLORA koja se sastojala od članova (naknadno proglašenih heroja):
Radovčić Adriano, Laković Damir, Laković Marijan, Matošević Denis, Banić Ivan i Benčić Petar.

Ali ni bilo puno vrimena za slavlje unega momenta, prke smo zajno pole baluna (odnosi se na sportsku aktivnost "nogomet", a ne na istarski narodni ples) poli svi, ma svi na turnir u kuglanju (za našu Orietu ki je u meriki to bi bija "bowling").
Na turniru se upisalo rekordnih 26 članova koji su u parovima činili 13 ekipa. Svaka je ekipa imala 50 bacanja, te je konačni rezultat bila suma srušenih čunjeva. Turnir je bija podjeljen u tri kategorije, a to su: ženska, muška, te mješovita.






















rezultate ćemo objaviti kašnije...
Intantor, pole kuglanja još ni bilo gotovo. Slijedila je večera a zatim kviz pod nazivom Ki-zna-teka, koju je osmislija i uredija Darko Hrastovčak. Bija je to kvalitetan kviz koji je sadržava pitanja i razne teme isključivo na području KUD-a M. Laginje i povijesti našega Lovreča.
...međutim, nisu svi članovi sudjelovali u kvizu.. par njih se polo hititi jedan bot u termalne vode Topuskega:






































Pole kviza i pole bazena, smo poli đir do Scotcha, najbolje uštarije (i jedine) u okolici:














































kad smo se tornali u hotel smo čuli da je navodno neki pidjama parti na nekoj tajnoj lokaciji u hotelu, a pošto ja niman piđama...














...uglavnom niš od pidjama partyja, smo se malo rasćakulali nas par i pole hitili pod krpe.
Drugo jutro smo pole marende imali još jeno malo lazno za skočiti u lipotepli bazen, pak smo to i učinili...






... naravno, pole tega je slijedija put za doma, ali prije tega smo dostojno napustili hotel tako da je limena odsvirala nešto iz svojega repertoara, a folklor je otplesa jedan balun.

na putu za doma smo se fermali u Tifonu, a tamo nas je dočeka snig. Bilo je i malo grudanja, ali Baniću niki ni moga niš prke je on ima scudo prottetivo






Pjesma: Dio Tebe Izvođač: Valentina Mendiković






Na povratku za doma, smo se frmali u neki agroturizam poli Pazin. Tamo smo fala Bogu jili, ali je isto tako održana službena dodijela medalja najboljim učesnicima na turnirima u briškuli i trešetu i u kuglanju






A evo da i vidimo najbolje od najboljih u kuglanju.

3. mjesto: Ivan Hrastovčak i Ivan Banić






2. mjesto: Petar Benčić i Adriano Radovčić






i na kraju 1. mjesto: Damir Laković i Marijan Laković






a bilo je i još nagrađenih...










i tako smo na kraju poli s kurjeron ki do Lovreča, ki do Poreča, ki do Tinjana ili Pazina, ali nu,
bitno da smo se lipo proveli.



Veliki pozdrav!!

Kad bin prije čuja za Sarajevo, bin se domislija da je to u Bosni i niš već posebno pošto nisan baš ima afiniteta prema bosancima. Denas je dosta drugajče prke san osjetija ke zrak se diše tamo i kakova se voda pije iz Sebilja. Denas da mi ki reče Sarajevo, s obziron na moje sklonosti, bin se prvo domislija ćevapi, bureki, kobasice, črne bire, palačinke, a onda i kakovih miljar Džamija, vrela Bosne, multikulturalnega čovika s pofarbanim genitalijama, pivnice i naravno Baščaršije.
Tako smo se nas četiri (tri istrijana i jena Zeničanka) uputili z kurijeron iz Rike za Sarajevo, a USPUT smo i pasali priko Zagreba. Smistili smo se u jenemu stanu ki je skroz nedaleko od Baščaršije. Neću sada pisati razne zgode i nezgode, da puštin malo mista i za slike. Još je jena sitna zanimljivost, a to je naš dnevnik, u kojemu smo naše inspiracije posvetili pretelici Tanji. I bilo bi dobro da ne pišen koliko nan je vrimena tribalo od Sarajeva do doma...
Da rezimiramo: bilo je ok i primite svi puno pozdrava od sarajlija Ivane, Milane, Marjane i Pereta.

pikčrs:

To je bija torak, kad smo se levali z Lovreča za Pulu na smotru povodom dana Istarske županije. Vrime je bilo lipo, a i mi smo bili lipi..
Treme ni falilo, ali smo na kraju odradili balun lipo, kako Bog zapovida.
..da ne dužin, eko slike:















































To su kosirićićićići..




...a to su oni ki počinju na R i finjivaju na OMI




zagrijavanje prije nastupa...

Tega smo datuma moj rukovoditelj i ja pošli đir do Monaca, ku bimo vidili jenu partidu i forši još ča lipega u Monte Carlu. Igrala se je partida Europskega Superkupa (Milan - Sevilla) i Milan je dobija 3:1.
Prije, ma i pole partide san vidija svega i njanke mi ne se piše o temu.
Slike nisu ki zna ča, prke san slika z mobitelon, ma je ok.

Viva!!:

to je štacijon vlaka u Milanu




a tote smo već u Monte Carlu




anke oni imaju vlakić kako i mi u Poreču..




ke lipe barkice








san stija kupiti kakov poklon, ali nisan ima "vrimena"..

















ki to voli jednostavno mora doživiti...




















2dcl bire - 7 euri, tramezzini - 12 euri. Neke se stvari moru kupiti novcem, za sve ostalo, ustaneš lačan u Monte Carlu...




lipo je voziti se u cabrioletu iz Mie za Istru

Jedanajstega osmega, dvamijara i sedmega lita, smo poli u jenu đitu za Dubrovu. I tamo smo imali nastup na glavnoj smotri Istre. Za une ki ne znaju, to je napro velika čast za nas folkloraše. I tako smo mi nastupili 26. po redu od sveukupno 39 izvođača. Forši nismo briljirali, ali smo dali sve nas u ten jenen balunu. Ne moran ni spominjati da je maještrovica magistralno odradila svoj dio. Napustivši plesački podij, smo se poli pribući svaki sa svojin dojmovima.
Ma lo šteši smo na kraju zameritali svaki od nas svoju maneštru. Pokle svega smo partili za LOVREČ kadi su nas ovacijama dočekali sumještani i Gustafi su nas predstavili svin Lovrečanima i gostima Lovrečeve...
...sad si ga jeno malo seremo...
Nisu nas jušto tako dočekali, ...nu, nisu nas uopće dočekali. Nanke Gustafe nismo vidili zajno, ali mi smo svejeno bili toliko ponosni i kuntenti da smo stili skočiti van iz kože svoje. Da san ja ima rep, bin bija maha ž njin cilu večer...
I tako smo u svojin svitlo-plavin majami, kloncali po Lovreču, magari su nan se smijali i kosirići i rankunići i pizde materine, ma chi se ne frega!!!

A nu, da ne pišen preveć gluposti, eko i par slik:

Predstavljamo Van jenu malonogometnu ekipu. Svi su pravi i lipi ragači i zato hi je gušt anke gledati.
Da hi predstavimo jeno par:





NINO JANKO
Uža igrati: Na golu
Segni particolari: Je kako mačak, super refleksi
Broj dresa: 1





MARKO DODIĆ
Uža igrati: Uzada
Segni particolari: Žilav je kako uno meso ki ne moreš prožvakati, niki ga ne more pasati
Broj dresa: 5





PETAR BENČIĆ
Uža igrati: Uzada
Segni particolari: Teče kako blago prve 3 minute, tuče iz svih kraji, još kad bi samo gol zadija...
Broj dresa: 6





IVAN MATOŠEVIĆ
Uža igrati: Kadi triba
Segni particolari: Svaka bala je njigova
Broj dresa: 7





FILIP HERAK
Uža igrati: Od centra prema naprid
Segni particolari: Čovik od malih besid i velikih djela
Broj dresa: 8





MAURICIO KOŠUTA
Uža igrati: Naprid
Segni particolari: Punta di diamante, piranja u šestercu
Broj dresa: 10

Još nan fale Brljo, Baldo i Pennant. Ćemo hi vrči kad budu imali lazno hiti jenu partidu..

Bilo je to jeno teplo, ma napro teplo lipanjsko popodne. U điru je bila smotra narodne glazbe i plesa zapadne i središnje Istre. I tote smo bili Mi: KUD Matka Laginje iz Svetega Lovreča.
Nikad neću zabiti uni zadnji vertet kad je sva publika uškikla i nan lipo zapljeskala, vaje zdrhi su me pasivali, a ja peran da nisan bija jedini. I da ne bi ki pensa da je to- to...
9.8. imamo nastup u Lovreču ki je Lovrečeva, a 11.8. gremo u Labin na glavnu smotru zahvaljujući žiriju, ma anke zahvaljujući nami i posebno našoj maještrovici LOLITI NJEGOVAN.
Eko i par slik:

















































Nemojmo zabiti da su tote bili anke naši manji kumpanji:

VIDEO:

Smješteni u Krapinskim toplicama, uz vrlo ugodnu organizaciju Zabočana, djelatnici Usluge i "općinari" iz Poreča imali su razloga za dobar provod. Jubilarni 10. sportski susreti gradova prijatelja (Zabok, Crikvenica, Poreč) protekli su u veselju i prijateljstvu. Šta se tiče samih sportskih susreta pobijedio je grad domaćin, dok je Poreč za nijansu (točno za 1 bod) osvojio 2. mjesto, dok Porečani nisu imali pravu konkurenciju u olimpijadi ispijanja pića koja sadrže C2H5OH.

Evo i par slika:

One mattin her mamma dissed: "Dear Cappuccett, take this cest to the nonn, but attention to the lup that is very ma very kattiv! And torn prest! Good luck! And in bocc at the lup!" Cappuccett didn't capit very well this ultim thing but went away, da sol, with the cest.

Cammining cammining, in the cuor of the forest, at a cert punt she incontered the lup, who dissed: "Hi! Piccula piezz'e girl! 'Ndove do you go?". "To the nonn with this little cest, which is little but it is full of a sacc of chocolate and biscots and panettons and more and mirtills", she dissed. "Ah, mannagg 'a Maruschella (maybe an expression com: what a cul that I had) dissed the lup, with a fium of saliv out of the bocc. And so the lup dissed: "Beh, now I dev andar because the telephonin is squilling... sorry." And the lup went away, but not very away, but to the nonn's House.

Cappuccett Red, who was very very lent, ma lent un casin, continued for her sentier in the forest. The lup arrived at the house, suoned the campanel, entered, and after saluting the nonn, magned her in a boccon. Then, after sputing the dentier, he indossed the ridicol night berret and fikked himself in the let.

When cappuccett Red came to the fint nonn's house, suoned and entered. But when the little and stupid girl saw the nonn (non was the nonn, but the lup, ricord?) dissed: "But nonn, why do you stay in let?". And the nonn-lup: "Oh, I've stort my cavigl doing aerobics!". "Oh, poor nonn!", said Cappuccett (she was more than stupid, I think, wasn't she?). Then she dissed: "But...what big okks you have! Do you bisogn some collir?". "Oh, no! It's for see you better, my dear stupid little girl", dissed the nonn-lup. Then cappuccett, who was more dur than a block of marm: "But what big oreks you have! Do you have the Orekkions?". And the nonn-lup: "Oh, no! It is to ascolt you better". And Cappuccett (that I think was now really rincoglionited) said: "But what big dents you have!". And the lup, at this point dissed: "It is to magn you better!". And magned really tutt quant the poor little girl. But (tadah!) out of the house a simpatic, curious and innocent cacciator of frod sented all and dissed: "Accident! A lup! Its pellicc vals a sac of solds". And so, spinted only for the compassion for the little girl, butted a terr many kils of volps, fringuells and conigls that he had ammazzed till that moment, imbracced the fucil, entered in the stanz and killed the lup. Then squarced his panz (being attent not to rovin the pellicc) and tired fora the nonn (still viv)and Cappuccett (still rincoglionited). And so, at the end, the cacciator of frod vended the pellicc and guadagned honestly a sacc of solds. The nonn magned tutt the leccornies that were in the cest. And so, everybody lived felix and content (maybe not the lup!).

PRIJE DVAJSET I DVA LITA SU ZVALI BARBA TILIJA DA SE JAVI NA TELEFON KI MU JE ŽENA SIRIJA IMALA ZA RODITI.


PAK DOJDE ON SE JAVITI I:


TILIJO: DA??!!

RODILIŠTE: ...

TILIJO: DA, JA SAN

RODILIŠTE: ...

TILIJO: CURICA??!

RODILIŠTE: ...

TILIJO: NIS DOBRO KAPIJA...

RODILIŠTE: ...

TILIJO: ČA DVI???!!!!!!!!!!

...

TELEFON: TU- TU- TU- TU- TU-......


..I TAKO SU BARBA TILIJO I TETA SIRIJA POSTALI TAC I MATI PO DRUGI I TRETI BOT U ISTEMU DANU.

ALI VI NE ZNATE KE KONFUŽIJON JE BIJA U TRBUHU OD SIRIJE....:

IVANA: ČA GREŠ TI PRVA VANI??

MILANA: A ČA JE VANI? NEBIŠ TI POLA PRVA?

IVANA: MA NE. NIMAJ STRAHA VANI JE SIGURNO PUNO ANĐELIĆI KAKO I TOTE NUTRI

MILANA: MA JA NISAN SIGURNA. ZNAŠ, MALO ME STRAH ĆEPIVA, ĆU SE POPIŠATI...

IVANA: NEMOJ MI JOPEDA PIŠATI TOTE TE MOLIN KI VEĆ SMO SPIŠALE CILO TO MISTO TOTE..

MILANA:ZNAŠ ČA... JA GREN!

IVANA:HODI, SAMO PRIKURAJ KI MI TE JE PUN KURAC VEĆ!!!

MILANA:KE BESIDE SU TO?? GRDE ILI LIPE?

IVANA: NE ZNAN NI JA, SAMO SAN TO DOSTA BOTI ČULA IZVANI. ZA ĆE BITI ČA LIPO..

MILANA: BOM. SE VIDIMO Z DRUGEGA KRAJA ONDA??

IVANA:DA, DA MUOJA, SAMO MI UČINI JENO MALO VEĆ MISTA KI MI SE PERA TISNO TO OKNO NIKAKO..

MILANA: EJ, NISMO SE UPOZNALE... KAKO SE TI ZOVEŠ?

IVANA: NE ZNAN JOŠ PORKA MAJKA. BIŽI VAN I MUČI!!

....

DOKTOR: SIRIJA, MISLIM DA ĆETE DOBITI DVOJKE

Sirija polako gubi svijest...

..I TAKO SU SE RODILE DVI BEBICE

DENAS BI TE DVI URESLE BEBE SVAKI STIJA IMATI POLI DA SE.

NI TOTE ČA ZA REČI NEGO SVE NAJBOJE MILANI I IVANI ZA NJIHOV ROĐENDAN I DA NJIN BUDE VAJKA LIPO I SA SRIĆON.

ORIETA NAŠA, DI SI NAN TI?
ČA TI DELAJU TI MERIKANCI?
KAKO ŠKOLA, KAKO ODBOJKA?

SVAKI BOT KI DOPREN BLOG SE DOMISLIN DA ORI HITI KAKOV KOMENTAR A MI JE NANKE NISMO KAPACA PITATI KU JE ŽIVA I ZDRAVA..
LIPO JE ZNATI DA SE AMERIKA INTEREŠA ZA NAŠE ŠTABELE ISTRIJANE KAKO ČA JE ONA ANKE KO BI
NAMI BILO LIPJE DA JE ONA TOTE S NAMI.






LIPA NAŠA ORI, NEKA TI JE SA SRIĆON I DA NAS ČA PRIJE DOJDEŠ VITI.